O 7 de xuño, día da celebración do 50 aniversario do CEIP Rabadeira, organizamos no patio do colexio un flashmob como parte da xornada de Boas Prácticas correspondente ás áreas de Música e Danza e Educación Física.
No primeiro vídeo podedes ver os ensaios no pavillón do centro, e no segundo o produto final, xa o día da festa.
Como broche final dun curso cheo de deporte, dinámicas activas e coñecementos sobre o que é a vida saudable algúns dos nosos alumnos e alumnas, dende Educación Infantil ata sexto de Educación Primaria elaboraron un calendario deportivo para o próximo curso 2024 - 2025.
Traballaron en equipos, alumnos e alumnas de diferentes idades, para lograr sacar adiante este calendario que posteriormente repartiron por todas as aulas do centro como agasallo polo 50 aniversario que celebramos este curso escolar.
No calendario podemos ver os meses realizados polos máis pequenos, diferentes deportes; dende vela a natación sincronizada, referentes galegos, homes e mulleres que encabezan o panorama deportivo; traballos realizados co ordenador, debuxos coloreados a man polos nosos artistas, e o resultado... un calendario no que o próximo curso poderemos aprender un novo deporte cada mes, ademais de ter todas as conmemoracións e datas importantes xa marcadas, un traballo realizado con moito espero.
O alumnado de 4º desenvolveu unha sesión de rugby na praia de Bastiagueiro, dentro do programa de actividades da área de Educación Física, no marco do Proxecto de Vida Activa e Deportiva do Plan Proxecta, e financiado polo Concello de Oleiros.
O alumnado de 6º de Ed. Primaria, participou nunha sesión de BODI BOX, actividade cardiovascular inspirada en diferentes movementos de kick boxing sempre coreografiados, no que se traballan todos os grupos musculares, e coa que se mellora a resistencia, a forza e a flexibilidade.
Realizaron a actividade no ximnasio municipal de Oleiros, e aquí tedes algunha foto
.jpg)
Hoxe luns 27 de maio o alumnado de 5º de Educación Primaria tivo a sorte de gozar dunha excepcional charla sobre o deporte de vela adaptada da man de dúas profesionais do tema.
Por un lado, contamos con Celia Alvariño López, educadora social e técnico de vela, traballadora da ¨Fundación María José Jove¨ como instrutora de vela no apartado ¨Esfuerza¨. Celia explicounos dende o seu punto de vista o que é traballar con persoas con diferentes diversidades funcionais. Amosounos cales son as adaptacións que realizan nas embarcacións para as diferentes necesidades dos usuarios, contounos distintas experiencias, trouxo materiais adaptados e vídeos explicativos de como transcorre a actividade de vela.
Por outra banda, estaba Norma López Dovale, unha das usuarias de Celia con cegueira, a cal leva un ano asistindo a actividade de vela. Foi unha sorte poder entender o seu punto de vista, o que sinte ela cando realiza este deporte e o libre e autónoma que pode estar no barco.
Ambas resolveron todas as curiosidades e dúbidas do noso alumnado, acercándolles unha realidade que existe no deporte: o deporte adaptado. A reflexión que sacamos é que algunhas das cousas que vemos imposibles, deixan de selo grazas a existencia de certas fundacións e persoas.
O venres 26 de abril o alumnado do Ceip Plurilingüe Rabadeira tivo a gran sorte de poder asistir ao Campionato de España do Sector Alevín Norte de hockey, que se debutou no Pavillón de A Rabadeira. O campionato foi intenso, divertido e puidemos gozar dun nivel excepcional.
Entre moitos equipos coñecidos sen dúbida o noso alumnado berrou e celebrou a vitoria do Club Hockey Oleiros onde xogaban alumnos e ex-alumnos do centro.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
CEIP RABADEIRA Copyright © 2009-20 - |- Educación Física CEIP Rabadeira - |- Oleiros - Galicia
