Seguindo co Plan de Vida Activa e Deportiva programamos para o alumnado de 5º a actividade de Escalada en Rocódromo. Foi no pavillón do IES María Casares de Bastiagueiro, a foron alí os 3 grupos deste nivel.
Actividade subvencionada polo Concello de Oleiros, Deportes, contamos co asesoramento de monitores e o préstamo do material preciso para esta disciplina, arneses, cascos, cordas, mosquetóns, etc.
O alumnado de 5º de Educación Primaria gozou dunhas charlas de alimentación, e nesta ocasión non se nos ocorreu mellor maneira de plasmar o obradoiro no Blog que sendo eles mesmos os que escriban esta entrada.
¨Fai unhas semanas tivemos a sorte de asistir a dúas charlas sobre alimentación saudable, que nos deu a nutricionista de Santa Cruz, María José.
Falamos da importancia de comer saudable e facer deporte regularmente. Ensinounos como alimentarnos de forma axeitada. Por exemplo comer moitas verduras, froitas, hortalizas… Tamén explicou que hai outras comidas ultra procesadas que só debemos comer moi de vez en cando.
Axudounos a facer a nosa propia pirámide alimenticia.
Por último, ensinounos a analizar as etiquetas dos embalaxes, para saber que alimentos son bos, coñecer os azucres que teñen, o sal, as graxas saturadas… E o que máis nos gustou foi que trouxémos os nosos embalaxes para velos, analizalos e saber se eran saudables ou non.
En conclusión, aprendimos a alimentarnos de forma correcta.
Encantounos a charla!¨
O 21 de marzo, o alumnado de 3º realizou unha sesión de defensa persoal dentro do PVAD do centro.
Esta actividade enmárcase dentro do programa complementario que ofrece o Servizo de Deportes do Concello e no Plan Proxecta que levamos a cabo no colexio.
Para conmemorar o 23 de febreiro, Día de Rosalía de Castro, todo o alumnado puido disfrutar dunha xincana polo patio na hora de lecer.
Superando probas e buscando os mouchos enriba do penedo, todos e todas desfrutaron duns recreos diferentes.
A semana do festival foi intensa, divertida e chea de ensaios. Todos cumprimos os mandatos de Meko e sacamos tempo para preparar as actuacións, polo que non se nos ocorre nada mellor que unha sesión de ioga coa mestra Bea para encontrar un pouco de calma nunha semana tan intensa e divertida.
CEIP RABADEIRA Copyright © 2009-20 - |- Educación Física CEIP Rabadeira - |- Oleiros - Galicia
