0 Festival de entroido.
O venres 9 de febreiro o Rabadeira celebrou con toda a comunidade educativa (alumnado, claustro e familias), un festival polo entroido a ritmo de 50 anos na música.
Puidemos gozar dunhas excelentes actuacións; os máis pequenos moveron a esqueleto ao ritmo de Grease, o primeiro curso de primaria encheu todo de cores bailando un clásico do grupo Parchís. Tamén gozamos dos movementos de Alaska, Mecano e Barbie; ademais de gozar dunhas actuación que nos recordaron os últimos 50 anos de Eurovisión e dos 40 music classic.
Un día cheo de diversión, movemento, música e cores.
0 DÍA DA PAZ
Continuamos co Plan de Vida Activa e Deportiva, e para conmemorar o Día da Paz, o pasado 30 de xaneiro; nas clases de Educación Física realizamos unha unidade didáctica de xogos cooperativos, no 1º e 2º ciclo de Primaria.
Practicamos co paracaídas, cos esquís de grupos e parellas, cas catapultas, e con xogos populares que teñen como estratexia principal a cooperación.
0 San Silvestre 2023
O último día do primeiro trimestre, o 21 de decembro, tivemos a sorte de poder pechar á primeira etapa do curso dunha forma especial, celebrando a terceira edición da carreira de Nadal San Silvestre.
Nun primeiro intre parecía que o tempo non ía a acompañar a esta festividade, pero despois de retrasala puidemos dar comezo á San Silvestre, debaixo dun pouco de orballo e raios de sol. Non faltaba detalle, dorsais, speaker, percorrido marcado e línea de meta.
Comezou correndo o terceiro ciclo, o alumnado de 5º e 6º de Educación Primaria… dando nin máis nin menos que dúas voltas ao recorrido! Xusto despois dou comezo o segundo ciclo, 3º e 4º de EP, reducindo un pouco o ritmo e deixando aos corredores cunha volta. Unha vez que todos chegaron a meta saíu o primeiro ciclo, 2º e 1º de EP. Finalmente, preparáronse os máis pequenos, realizando a metade do percorrido. A dicir verdade, o alumnado de Educación Infantil non deixou a ningúen indiferente.
Este ano a carreira tiña unha parte moi especial. Por mor do 50 aniversario do noso colexio as familias pasaron de ser meros animadores a pechar un día de Nadal con eles, sendo tamén participantes oficiais da San Silvestre. Esta vez eran os seus fillos e fillas os que gritaban detrás do valado.
Para a sorpresa destes foron invitados a pasar un rato máis con nós. O protagonista sería o alumnado de 5º e 6º, quenes nos deleitaron con cantos de Nadal e panxoliñas. Para finalizar o día dúas nenas de 5º de EP presentaron as badaladas dunha maneira moi emotiva, signando cada un dos sons da campá con lingua de signos onde dicían: RABADEIRA 50.